Zaidi ya makampuni 56 yakosa vigezo vya kufanyakazi uwakala wa Ajira nchini

Afisa kazi wa Wizara ya  Kazi na Ajira,Omari Sama (kulia) akizungumza wakati wa kutoa tamko hilo wengine ni   Ridhiwani Wema afisa habari wao na Roboye.

 

Zaidi ya Makapuni 56 ya wakala binafsi wa huduma za ajira nchini yanafanya kazi bila ya kuwa na vigezo vya kisheria kwa mujibu wa sheria ya kazi ya mwaka 1999.

Akizungumza na waandishi wa habari  Afisa Habari wa Wizara ya Kazi na Ajira, Ridhiwani Wema alitanabaisha kuwa, kwa sasa ndio wametangaza maombi ya kusajili makampuni hayo ambayo yameonekana hayana sifa na vigezo vya kutangaza ajira.

Wema alisema kuwa ni marufuku kwa kampuni yoyote inayojihusisha na kutangaza ajira kufanya kazi hiyo mpaka pale usajili utakavyokamilika ndio wataruhusiwa kufanya kazi hiyo

Alivitaja baadhi ya vigezo ambavyo mwombaji anatakiwa kuwanavyo ni  kuwa na katiba ya uwendeshaji wa kampuni, hati ya usajili wa kampuni, leseni ya biashara, namba ya usajili wa mlipa kodi, wasifu wa kampuni na kuwa na watu wenye uzoefu na ujuzi.